Este sábado volvemos xuntarnos… e facémolo na casa! A Banda Grileira estará na Festa do Melindre de Melide cun espectáculo moi especial, deses que saben a tradición e a festa compartida. Un percorrido pola música galega do século XX, mesturando os sons máis tradicionais coa forza das bandas populares. Unha viaxe de música e baile que nos leva por diferentes momentos da nosa historia. Porque non hai nada máis doce ca unha romaría compartida.

O sábado 9 de maio actuamos na Festa do Melindre en Melide, e facémolo por partida dobre. 🥁 Pola mañá: faremos un pasarrúas pola vila coa Banda de Gaitas. 🥁 Pola tarde: ás 18:00h estaremos na Praza das Coles coa Banda Grileira, un proxecto homenaxe ás bandas de música, charangas e murgas que puxeron en valor o noso repertorio tradicional ao longo do S. XX. Aproveitade, porque a data non é de perder. Queremos vervos a todos alí! 💚

Hoxe visitamos o programa da Radio Galega, LUME NA PALLEIRA, a partir das 17h. Sintonizade e escoitade as novidades que eatamos preparando  

 Pois agora si, xa temos cartel gañador! Logo dunha fonda reflexión, este de Carla Santiso pareceunos perfecto para ser a imaxe da nosa xa novena edición do Festival Infantil. Noraboa! 💚 Graciñas á canteira grileira que sempre nos regalan estas cousiñas bonitas. E aos demais, xa sabedes: o vindeiro sábado 21 non fagades plans. Vémonos! 💚🥁

Presume de Galego celebra a súa 10ª edición este venres 30 de xaneiro na Sala Gatos (Melide). Este é un proxecto do ENDLG do IES de Melide que leva unha década unindo música, lingua e participación do alumnado. Este ano contamos coa banda Loita Amada, coa colaboración de Herba Grileira e cun aniversario moi especial: Cuarta Xusta, que tamén cumpre 10 anos e naceu neste mesmo escenario.   💙 Presume de Galego é máis ca un concerto: é un proxecto educativo premiado, colectivo e vivo, que demostra que a música en galego é pasado, presente, pero sobre todo: futuro. Agardamos que o desfrutedes!  

O sábado 24 de xaneiro teremos con nós en Melide a Fransy González, unha das voces máis recoñecidas do panorama musical galego, cunha traxectoria moi vencellada á música tradicional e á súa transmisión. Ao longo dos anos colaborou con diversos artistas e proxectos, levando a nosa música de raíz a escenarios ben distintos sen perder nunca a esencia.  Nesta ocasión vainos achegar repertorio da comarca de Bergantiños, unha terra coa que ten unha ligazón persoal e musical moi especial.

Novo obradoiro de percusión miúda! O sábado 13 de decembro teremos con nós a Ramón Dopico, que nos amosará unha chea os recursos cos instrumentos da nosa percusión tradicional: tixolas, tarrañolas, lata, culleres, cunchas…